Неделава конечно ќе се пушти во употреба автопатот од Скопје до Штип, изјави вицепремиерот за економски прашања Кочо Анѓушев заДојче веле.

Двете патарини допрва ќе се градат. Паралелно стартува и големиот проект за рехабилитација на четириесетина патни правци.

Она што требаше да се сработи со кинеската компанија 'Синохидро' е готово и заврши во декември. Во тек се работите околу правењето на пристапните патишта што се прави со пари на Јавното претпријатие за државни патишта за да може сите населени места да се приклучат на автопатот. Ова не беше дел од кредитот и проектот со Синохидро. Тоа воопшто не било ни размислувано како ќе се случи. Сега и тоа е речиси завршено, така што автопатот ќе го пуштиме неделава, изјави за Дојче веле вицепремиерот за економски прашања Кочо Анѓушев.

Освен своите убавини, но и храна Шпанија и официјално е прогласена за најздрава земја на светот.

Според индексот на здравје на компанијата „Блумберг“ Шпанија се најде на врвот на листата најздрави нации на светот.

Имено, Шпанците имаат најдолг животен век, а се верува дека до 2040 година ќе живеат 86 години.

Следна на листата е Италија, а долговечноста на Италијанците се препишува најмногу на медитеранската исхрана.

Третото место го зезеде Исланд кој и покрај своите екстремни пејзажи, има неверојатно добро развиен здравствен систем, исхрана богата со риба и преубави природни пештери.

Јапонија се позиционираше највисоко од сите азиски земји, а на светската листа го зазеде четвртото место . Швајцарија сепак, во однос на минатата година падна на петто место, но и понатаму се држи на врвот на листата.

Епидемијата со морбили во Македонија нема да запре туку ќе продолжи до крајот на годината. Затоа потврдува г. Владимир Микиќ, епидемиолог од Институтот за јавно здравје. 

Не сме ни блиску до запирање на епидемијата на морбили, со оглед на бројот на заболени од ова заразно заболување, но и како овој вирус брзо се пренесува – изјави Микиќ.

Епидемија од мали сипаници од вчера е прогласена и во Куманово, а пред 10 дена и во Тетово. Во врска со тоа дали ќе биде прогласена епидемија на морбили во целата земја, д-р Микиќ појаснува дека зголемен број заболени има во 12 општини. – Има локално ширење на бројот на заболени од морбили, а ќе се процени дали епидемија да се прогласи на територија на целата земја, ја следиме состојбата. Во однос на мерките, епидемија нема да промени ништо, остануваат препораките. Проблем е што имаме релативно голем број невакцинирани деца, и вон Скопје, а имаме и висок број на заразени од морбили, само во главниот град се повеќе од 300. Затоа приоритет е вакцинација на децата до 4 години – вели д-р Микиќ.

Според ИЈЗ, од почетокот на епидемијата во Скопје, заклучно со 22. февруари регистрирани се вкупно 311 случаи на мали сипаници. Од вкупниот број на заболени, 148 (57,1 отсто) се на возраст до 4 години, а 91 лице (29,2 отсто) на возраст над 30 години. Според вакциналниот статус, 232 или 74 отсто од заболените се невакцинирани, некомплетно вакцинирани или со непознат вакцинален статус. Од невакцинираните лица, 64 се на возраст под 12 месеци и не подлежат на вакцинација, согласно Календарот за имунизација.

Трудовите инспектори пишуваат и наплатуваат казни за неисплата на К-15, но од тоа работниците немаат ништо, зашто парите одат во државниот буџет.

Причина за ова е законската регулатива според која работодавецот не може да се присили да му ги исплати парите на работникот, иако законски му следуваат. Но, за таквото прекршување на законот треба да плати казна која некогаш надминува 1.000 евра, која пак, како и сите други наплатени казни, завршува во државниот буџет.

Директорот на Државниот инспекторат за туд Аљајдин Хавзиу вели дека трудовите инспектори, освен по пријави на работници, при контролите во компаниите во текот на целата година, покрај другото, проверуваат и дали и како е исполнета обврската за исплата на регресот за годишен одмор. Ако најдат пропусти, не казнуваат веднаш, туку го задолжуваат работодавецот во одреден рок да ги им ги исплати парите на работниците. Казната следува дури откако работодавецот нема да постапи онака како што наложил инспекторот, односно нема да исплати К-15, а парите одат во државниот буџет.

Но, таква е законската регулатива. Инаку, можам да кажам дека годинава работниците се охрабрени и почесто пријавуваат дека не им е исплатен К-15. Во инспекторатот имаме вистинска наезда на такви пријави. Работниците се жалат и дека не добиле К-15 и дека добиле помали суми, а се поголем е бројот на лица кои шест месеци работеле во една фирма и со тоа го оствариле закоснкото право за К 15, но не го добиле затоа што си заминале во друга фирма, појаснува Хавзиу.
Тој вели дека податоците за пријавите од работници за неисплата на регресот ги сумирале до вчера, како што биле задолжени од Владата, а од наредната недела би имале комплетна информација која ќе ја рпезентираат во Владата и ќе ја објават на веб-страницата на Инспекторатот.

На проблемот дека работниците остануваат “со куси” ракави и покрај тоа што инспекторите казнуваат укажуваат и во невладината организација Гласен текстилец од Штип. Претседателката на оваа организација, Кристина Ампова информира и дека брзо расте бројто на работници кои се охрабруваат да пријават проблеми со К 15, па годинава имале над 100 пријави, за кои изработиле барања до трудовиот инспекторат. Дел од нив биле анонимни, но имало и голем број лица кои само телефонски се консултирале и сакале самите да пријават во инспекторатот. Ампова посочува дека работниците не поднесуваат тужби до судовите затоа што тоа се долги и скапи процедури, ниту пак преземаат некои чекори во врска со тоа што им бил исплатен регрес па морале да го вратат, зашто тоа е кривично дело, кое за да го докажат мора да имаат сведоци меѓу колегите. Но, вели дека веќе не им се обраќаат само тектстилни работници како порано.

Имаме јавувања и од вработени во градежни и други фирми, не само од текстилни. Отприлика, имавме јавувања од вработени во четириесетина компании. Освен од Штип и Источниот регион, помош од нас бараат и работници од Виница, од Скопје и од други градови, информира таа.

Ампова вели дека добар дел од јавувањата се за исплатени мали суми за К-15. Таа додава дека во тие случаи одговорот е дека се е регуларно, со оглед на тоа што е дозволено фирмите кои работат со финансиски тешкотии да исплаќаат помал регрес од минимално пропишаните 9.600 денари.

Тоа е дефект на колективниот договор. Годинава се менува законот за работни односи, па треба да се донесе и нов колективен договор и синдикатот има можност да го реши овој проблем. Сега некои работодавачи исплатуваат минимални суми, зашто колективниот договор го дозволува тоа во компаниите кои работат со финансиски проблеми. Потребен е само потпис од синдикалецот или од претставник на работниците каде што нема синдикат, а тој потпис обично го става работник близок до диркторот и така се станува регуларно, појаснува Ампова.

Таа смета дека проблемите со исплатата на К-15 може многу лесно да се решат и без реакциите на работниците, зашто Управата за јавни приходи ги има сите податоци за нивните примања, само треба да ги издвои тие за регресот за годишен одмор.