Авио-компанијата „Адриа Ервејз“ објави банкрот, со што го затвори бизнисот после 58 години работа.

Во соопштението на компанијата се вели дека на 30.09.2019 година е основана стечајна постапка пред Окружниот суд во Крањ, а судот ќе донесе пресуда за побарувањето во рок од три дена.

„Адриа“ ги запре сите летови минатата недела и се обиде да го реши проблемот во рок од седум дена, но не успеа. Од Владата на Словенија претходно беше побарана еднократна помош од 4 милиони евра, но тоа беше одбиено.

Таа авиокомпанија некогаш била државна, но во 2016-та била приватизирана и продадена на германскиот фонд 4К Инвест

Покрај „Адриа“ во тековната година со работа престанаа и „Германија“, „Флајбми“, „Вау ер“ , „XL ервејс“ и последен во низата гигантот „Томас Кук“.

Управата за јавни приходи извести дека вчера, 30 септември, заврши првото тримесечје од реализацијата на мерката поврат на 15 отсто од пресметаниот ДДВ. Средствата од повратот остварен во месеците јули, август и септември на граѓаните ќе им бидат исплатени на трансакциските сметки до крајот на декември оваа година.

Од воведувањето на мерката на 1 јули оваа година до вчера регистрирани се 170, 378 корисници на апликацијата „МојДДВ“, скенирани се 22,670,713 фискални сметки, остварен е промет од 11,423,978,620 денари, со вкупен ДДВ од 1,241,434,628 денари додека повратот на 15 отсто од пресметаниот ДДВ изнесува 186,215,194 денари, односно 3,028,000 ЕУР.

По исплатата во декември, ќе следува исплата во текот на месец февруари за месеците октомври, ноември и декември, во април за месеците јануари, февруари и март, во август за месеците април, мај и јуни и во ноември за месеците јули, август и септември.

Управата за јавни приходи изразува задоволство од досегашната реализацијата на “МојДДВ“. Податоците покажуваат дека мерката ги исполнува целите за кои е наменета. Ги враќа парите кај граѓаните и ја намалува неформалната економија, велат од УЈП.

На корисниците сега им е достапна и веб апликацијата „МојДДВ“ преку којашто може да го проверат износот на повратот којшто ќе им биде исплатен на нивната трансакциска сметка, а имаат и можност за повлекување на фискални сметки коишто се скенирани погрешно.

Во наредниот период Управата за јавни приходи ќе излезе со целосна анализа и податоци за мерката „МојДДВ“ преку којашто ќе се видат придобивките и во однос на намалувањето на сивата економија по нејзиното воведување.

Фибула Ер Травел има потреба од IT лице: https://kariera.mk/job/OcTURrU7iUupJ6vCZld_6g/it-lice

Доколку имате желба да бидете дел од успешниот тим на Алкалоид, отворени се повеќе работни места: https://kariera.mk/job/g2mnfERmGUuesvlO8Lp6Fg/alkaloid-ad-skopje-vrabotuva

Киндер Парк има потреба од КЕЛНЕРИ и ШАНКЕРИ: https://kariera.mk/job/1jPr3_ivNE60-kHD1oT72A/kinder-park

Спорт Лаиф Трејд објавува оглас за вработување на ОПЕРАТОРИ ВО ОБЛОЖУВАЛНИЦА - Скопје за реон Карпош и Ѓорче Петров: https://kariera.mk/job/42pEy3hVpkSgdix5tk9BEA/operatori

Основна плата 16.800,00 денари со можност за екстра услови за бонуси. Inter-Kasto има потреба од ДОСТАВУВАЧ НА РОБА-ВОЗАЧ: https://kariera.mk/job/5IpvITt4gUKD8bJGtzUuOw/dostavuvach-na-roba-vozach

Се бара ПЕДАГОГ со или без работно искуство од реонот на Центар/Капиштец: https://kariera.mk/job/HQmVbGV4sUyGeVJHoY0RMA/pedagog-centar-kapishtec

Мајворлд Македонија има потреба од МСП РЕГИОНАЛЕН МЕНАЏЕР: https://kariera.mk/job/CYY6qE6yl06Q-C6dxL9ESQ/msp-regionalen-menadjer

Град Скопје денеска почна со уредување на просторот од Градскиот трговски центар(ГТЦ) и портата до Плоштадот Македонија, со што го почна проектот за менување на ликот на централното градско подрачје. Наместо асфалт просторот ќе биде поплочен со плочки од три вида, на површина од околу 5.000 квадратни метри. Ќе бидат засадени 22 костени, ќе биде изведена патека за лицата со инвалидитет, а ќе биде поставена и соодветна урбана опрема со оптимален број клупи, корпи за отпадоци, осветлување и заштитни столпчиња.

Ова е еден од најзапуштените простори во централното градско подрачје, а во наредниот период ќе се одвиваат градежни активности што ќе значат целосно осовременување и целосен нов лик. Тука е и местото каде што е родена Мајка Тереза која во 80-тите години го засадила дрвото во малото паркче, место што претходно беше продадено за да се изградат шпанските скали. Овде ќе ја покажеме различноста на оваа градска администрација од претходната, со нов и модерен јавен простор што граѓаните го заслужуваат, рече градоначалникот Петре Шилегов.

Уредување на просторот ќе чини пола милион евра. Шилегов рече дека цената е двојно пониска од онаа за уредување на плочникот на Плоштадот Македонија.

Вкупната инвестиција е 33 милиони денари со вклучен ДДВ, односно 104 евра за метар квадратен, а плочникот на Плоштадот, кој зимно време се лизга и смрди на канализација чини 195 евра по метар квадратен, рече Шилегов.

Уредувањето на овој дел од градот според најавите на Шилегов треба да биде готово до 13 ноември.