До крајот на 2020-та, стапката на рециклирање треба да биде најмалку 55 отсто, а најмногу 80 отсто од амбалажниот отпад што е создаден на територијата на Република Македонија – велат од Министерството за животна средина и просторно планирање.

Главниот град на Србија, Белград, веќе објави дека од Нова година ги укинува пластичните ќеси. Дали и Скопје ќе преземе ваква иницијатива и ќе се заложи за укинување на пластичните ќеси и производите за еднократна употреба, нема одговор од градските власти.

Но од Министерството за животна средина и просторно планирање, пак, информираат дека се подготвува нов предлог-текст на законот со кој се забранува достапноста на пазарот на многу лесни пластични ќеси за транспорт на стоки во Македонија. Со новите измени се предлага забрана за употреба на производи изработени од пластични материјали за една употреба, како пластични сервиси за јадење, пластични пикник-комплети, чашки, сламки, чепкалки за уши и слични производи.

Во предлогот се наведува дека ова треба да стапи во сила од 2025 година, но, сепак, се остава можност дополнително да се разгледа со бизнис-заедницата, објаснуваат од Министерството за животна средина и просторно планирање. Затоа важно е да се напомене дека, сепак, станува збор за предлог за кој сѐ уште не се знае дали ќе биде усвоен.

Со новиот предлог-закон се ограничува достапноста на пластичните ќеси на пазарот, така што ќе плаќаат надомест сите што ќе одлучат да ги користат. Наместо пластичните ќеси, на пазарот ќе бидат подостапни 100 отсто биоразградливите пластични или хартиени ќеси, кои се произведени во согласност со пропишаните стандарди за биоразградливост. Исто така, за овој вид ќеси нема да им се наплатува на крајните корисници, со исклучок на оксобиоразградливи и оксоразградливи производи – вели раководителката на секторот за управување со отпад Ана Каранфилова од Министерство за животна средина и просторно планирање.

Според еколошките експерти, оксобиоразградливите и оксоразградливите производи претставуваат производи создадени од пластика, која во себе содржи адитиви што овозможуваат побрзо разградување. Иако има побрз временски период на разложување овој вид пластика, сепак таа се фрагментира во помали парчиња, поточно микропластика, која не се распаѓа на молекуларно ниво како другите биолошки производи. Од ваков вид пластика се изработени биоразградливите пластични ќеси што моментално ги користиме и се законски дозволени за користење во Македонија.

Ова значи дека доколку граѓаните купат намирници и сакаат да користат пластична ќеса од некој маркет, ќе мора за неа и да платат. Цената за пластична ќеса што треба да ја платат потрошувачите, според новиот предлог, ќе изнесува 10 денари по парче и ќе ја наплаќа трговецот на местото на продажба – додава Каранфилова.
Предлог-законското решение го задолжува секој производител во 2020 година да собере 55 отсто од амбалажниот отпад на своите производи, додека пак до 2025 година обврската е 80 отсто. Со предложеното законско решение се прави обид за воспоставување хармонизација со најновите европски директиви што се однесуваат на управување со отпадот.

Министерството за труд и социјална политика соопшти дека 25 декември, среда, првиот ден на Божиќ е неработен ден за граѓаните од католичка вероисповед во Република Северна Македонија.

Истовремено, Министерството за труд и социјална политика на граѓаните од католичка вероисповед им го честита празникот Божиќ.

Во продолжение прочитајте ја и целата програма на неработни денови за 2020 година:

Согласно со Законот за празниците на Република Македонија (Сл.весник на РМ број 21/98 и 18/07) во 2020 година неработни денови се. За сите граѓани на РМ:

• 01 јануари (среда), Нова Година, • 07 јануари (вторник), Божик, првиот ден на Божик според православниот календар, • 20 април (понеделник), Велигден, вториот ден на Велигден според православниот календар, • 01 мај (петок), Ден на трудот, • 24 мај (недела) „Св. Кирил и Методиј“ Ден на сесловенските просветители, односно 25 мај (понеделник) е неработен ден. • 24 мај (мај), Рамазан Бајрам, првиот ден на Рамазан Бајрам, односно 25 мај (понеделник) е неработен ден. • 02 август (недела), Ден на Републиката, односно 03 август (понеделник) е неработен ден. • 8 септември (вторник), Ден на независноста, • 11 октомври (недела), Ден на народното востание, односно 12 октомври (понеделник) е неработен ден. • 23 октомври (петок), Ден на Македонската Револуционерна Борба, • 8 декември (вторник), “Св. Климент Охридски”,

За граѓаните од православна вероисповед • 06 јануари (понеделник), Бадник, ден пред Божик, • 19 јануари (недела), Богојавление (Водици), • 17 април (петок), Велики Петок, петок пред Велигден, • 05 јуни (петок), Духовден, петок пред Духовден, • 28 август (петок), Успение на Пресвета Богородица (Голема Богородица). За граѓаните од католичка вероисповед • 13 Април (понеделник), Велигден, вториот ден на Велигден, • 01 ноември (недела), Празникот на сите светци, • 25 декември (петок), првиот ден на Божик.

За граѓаните од муслиманска вероисповед • 31 Јули (петок), Курбан Бајрам, првиот ден на Курбан Бајрам. За граѓаните припадници на албанската заедница во РМ • 22 ноември (недела), Ден на Албанската азбука.

За граѓаните припадници на српската заедница во РМ • 27 јануари (понеделник), Свети Сава. За граѓаните припадници на ромската заедница во РМ • 08 април (среда), Меѓународен ден на Ромите. За граѓаните припадници на влашката заедница во РМ • 23 мај (сабота), Национален ден на Власите.

За граѓаните припадници на еврејската заедница во РМ • 28 септември (понеделник), Јом Кипур, првиот ден на Јом Кипур. За граѓаните припадници на бошњачката заедница во РМ • 28 септември (понеделник), Меѓународен ден на Бошњаците. За граѓаните припадници на турската заедница во РМ • 21 декември (понеделник), Ден на настава на турски јазик.

34-годишна возраст Сана Марин неодамна беше министер за транспорт во Финска и минатиот вторник стана најмладата премиерка во историјата на земјата. Со тој избор, таа стана актуелната најмлада премиерка во светот. Нејзината идеја за четиридневна работна недела со шест часа на ден е жешка тема во оваа земја од август кога за прв пат ја објави идејата.

Бидејќи сè повеќе компании се обидуваат да ја зголемат продуктивноста додека одржуваат акцент на рамнотежата работа-живот, идејата за пократка работна недела станува се почеста. Земјите во Европската унија се особено познати по работни култури и пријателски расположени за работни култури, а Финска не се разликува.

Четиридневна работна недела, шестчасовен работен ден. Зошто тоа не би можело да биде следниот чекор? Дали е осумчасовна работа засекогаш дефинирана? Верувам дека луѓето заслужуваат да поминуваат повеќе време со своите семејства и најблиските, ангажирајќи се во нивните хоби и други аспекти од нивниот живот, како што е културата. Ова може да биде следниот чекор за нас во работниот свет, изјави Сана Марин неодамна за„ Хелсинки Тајмс “.

Некои меѓународни компании како „Мајкрософт“ во Јапонија веќе спроведоа пократки работни денови со четиридневно работно недела и петчасовен работен ден. Откриено е дека оваа практика не само што ги тера вработените да поминуваат повеќе време со своите семејства или да бараат различни хоби, туку и да ја зголемат нивната продуктивност.

Сепак, треба да се има предвид дека овие примери покажуваат придобивки од пократка работна недела за одделни компании, а само со текот на времето ќе бидат прикажани придобивките од оваа идеја за целата земја. Вработени мајки, кој сака да се пресели во Финска?

Поразителна е статистиката која вечерва ја објави еминентниот економски магазин „Економист“, според која нашата земја се наоѓа на третото место во светот според стапката на невработеност на младите луѓе од 15 до 24 години.

Само Јужна Африка со стапка на невработеност кај младите од 52,9 отсто и Босна и Херцеговина со 46,7 отсто се пред Македонија во поразителната статистика која ја објавува „Економист“. Македонија е трета во светот со стапка на невработеност од енормни 44,7 проценти.

До десетото место следат Намибија, Свазиленд, Газа, Либија, Грција, Јордан и Боцвана, кои котираат подобро од Македонија на листата на „Економист“.

Од земјите од регионот, Србија е позиционирана далеку подобро од Македонија, односно е 16 места подобра, на 19-тото место со стапка на невработеност кај младите од 32,1 отсто. Албанија е 21-ва со 31 отсто, Црна Гора 26-та со 29,1 отсто, Хрватска 34-та со 25,5 отсто.

Целата листа можете да ја погледнете ТУКА.