И додека компјутерските програмери дефинитивно се на врвот на листата по износот на плати, на другата страна од оваа листа, на дното се вработените во заштитните и истражните дејности.

Во тој сектор платите во Македонија во декември 2020 биле најмали и изнесуваат во просек 15.933 денари .

Во листата со најниски примања се редат вработени во производство на кожа и слични производи од кожа каде просечната плата е 16.777 денари.

Следуваат туристичките агенции и туроператори и вработени во таа дејност со плати во просек од 17.189 денари.

Помали од просечните плати земаат и вработени во секторот подготовка на оброци и служење на храна, Услуги поврзани со одржување на згради и дејности на уредување и одржување на животната средина и природата , работници во производство на облека, мебел како и рибарство и аквакултура.

На оваа листа место си најдоа и работниците од производство на мебел и други.

28.294 денари е просечната исплатена плата во декември 2020.

Исплатата на февруарските пензии во етапи заради заштита на пензионерите од новата болест ќе почне утре, 25 февруари, соопшти Министерството за труд и социјална политика. Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата.

За пензии до 11.000 денари, исплатата ќе се извршува утре, в петок (26 февруари) ќе се исплаќаат пензии со висина од 11.001 до 14.000 денари. За пензии со висина од 14.001 до 18.000 денари, исплатата ќе биде в понеделник, 1 март, а наредниот ден (вторник, 2 март) и ќе бидат исплатени и пензиите од над 18.001 денари.

Пензионерите кои користат платежна картичка, поврзана со сметката на која се префрлува пензијата, со парите може да располагаат од утре, 25 февруари. Тие може да ја подигнат пензијата на банкомат, да ги користат средствата за плаќање во трговската мрежа или за електронски плаќања.

Апелираме до пензионерите да се придржуваат до распоредот за исплати, затоа што етапната исплата е направена со цел да се намали метежот пред банките и можностите за загрозување на личното и јавното здравје, соопшти МТСП.

Купувањето преку Интернет во Европската Унија е во пораст, пред се поради поради промените во навиките на клиентите, а пандемијата на коронавируси веројатно ќе го забрза овој тренд, објави европскиот завод за статистика Евростат.

Според последните податоци, повеќе од 70 проценти од луѓето порачале нешто преку Интернет во последната година.

89 проценти од граѓаните на ЕУ на возраст од 16 до 74 години користеле Интернет, а 72 проценти од нив купиле или нарачале стоки или услуги за приватна употреба, стои во истражувањето на Евростат за 2020 година.

За споредба, во 2019 година, 68 проценти од корисниците користеле Интернет за купување, а во 2015 година, 62 проценти.

Според Евростат, најголем број на набавки преку Интернет имало во Холандија и Данска – дури 91 и 90 проценти.

Во непосредна близина е и Германија, каде 87 проценти од корисниците одлучиле да купуваат преку Интернет.

Во Хрватска, 69 проценти од корисниците користеле Интернет за да купуваат.

Хрватска, заедно со Чешка, Унгарија и Романија, е група на земји каде што купувањето преку Интернет се проширило најмногу кај корисниците последните пет години.

Според Евростат, најмногу се купувала облека, а следна е испораката на храна и пијалоци.

Европската комисија предложи продолжување на регулативата за укинување на роамингот за уште десет години.

Сегашната регулатива, со која се укинаа трошоците за роаминг во рамките на ЕУ и Европската економска област, истекува во 2022 година. Сега се предлага ова да се продолжи до 2032 година.

Покрај тоа, новата регулатива ќе им обезбеди на потрошувачите право на квалитет и брзина на поврзување на нивната мобилна мрежа во странство како дома, каде што се достапни еквивалентни мрежи. Новите правила исто така ќе обезбедат ефикасен пристап до услугите за итни случаи.

Според истражувањето на „Евробарометар“, 33 проценти од луѓето што патуваат во ЕУ се жалат на намалената брзина на мобилниот интернет кога се во странство во споредба со брзината што ја имаат дома. Според новиот предлог, ова не треба да се повтори.

Ова значи дека ако корисниците имаат 4G, и сè повеќе 5G како дел од претплатата, тие не треба да имаат помала брзина на мрежата при роаминг, каде и да се достапни тие мрежи. Комисијата се определи за нова регулатива затоа што смета дека сè уште не се зрели условите пазарот да ја регулира.

Наплатата за роаминг беше укината на 15 јули 2017 година.