Се повеќе луѓето сакаат да читаат мудри зборови или мисли од познати и успешни луѓе и на тој начин го подигаат својот морал во мрачните денови или самодовербата во сите останати денови. Постојат многу начини да го искористите она што сте го прочитале, но дефинитивно морате да верувате во она што го слушате и читате. Не се што ќе прочитате на интернетот е точно, но добро би било да го послушате советот на Тед Тарнер, основачот на Си-Ен-Ен.

Никогаш не смеете да се откажувате. Победниците никогаш не се откажуваат, а луѓето кои се откажуваат никогаш не победуваат – рекол Тарнер.

Интересно во врска со него е тоа што е најголемиот светски донатор, кој се обврза во наредните 10 години да донира милијарда долари на ОН. Тој, исто така ја има и најголемата колекција на филмови и цртани филмови на светот. Беше во брак со актерката Џејн Фонда.

Со пандемијата, и листата на најмоќни економии во светот доживеа промени. 

САД е на врвот со номинален БДП од 20,9 милијарди долари минатата година. Зад неа е Кина која има раст на номиналната вредност на 14,7 милијарди долари. Јапонија е третата најмоќна светска економија со БДП проценет на 5,0 милијарди долари, а на четврто место е Германија со вредност од 3,8 милијарди долари. Обединетото Кралство е на петтата  позиција, а Индија е шестата најголема светска економија. Франција е седма со номинален износ на БДП од околу 2,6 милијарди долари, а осма е Италија со вредност проценета на околу 1,9 милијарди долари. Бразил веќе не е во топ 10. Но, во топ 10 влезе Канада, со БДП проценет на 1,7 милијарди долари. Како десетта најмоќна економија годинава се најде Јужна Кореја со БДП од 1,6 милијарди долари. Повеќе земји во светот поради пандемијата влегоа во рецесија. И Германија влезе во рецесија поради пандемијата. 

Градот Скопје го објави јавниот повик за доделување субвенции за купување инвертер-клима уреди во 2021 година, а граѓаните ќе може да аплицираат онлајн.

На повикот може да аплицираат лица кои ги исполнуваат предвидените услови, а ќе можат да аплицираат сите оние што набавиле инвертер клима-уреди почнувајќи од 1.1.2021 година и се жители на Град Скопје (општини Гази Баба, Аеродром, Кисела Вода, Карпош, Чаир, Шуто Оризари, Центар, Ѓорче Петров, Бутел и Сарај). Повикот ќе биде отворен до 1.11.2021 година или денот на исцрпување на средствата.

На граѓаните ќе им бидат надоместени трошоците за набавка на инвертер клима-уред, но не повеќе од 62.000 денари во нето износ, а може да аплицираат на https://aplikacii.skopjelab.mk/inverteri доколку апликантот претходно не добил субвенции за затоплување со печки на пелети или инвертери.

Повеќе информации за јавниот повик на линкот – https://skopje.gov.mk/media/6734/javen-povik-za-subvencii-za-inverter-klima-uredi-2021.pdf

Средствата предвидени за овие субвенции се добиени од Владата , односно во 2020 година Град Скопје доби средства во висина од 322.400.000 денари. Во годинешниов јавен повик ќе бидат користени нереализираните средства од минатогодишниот јавен повик или сума во износ од 107.404.074 денари.

Дигиталната технологија направи многу за да ни помогне животот да се одвива што е можно поблиску до нормалното под ограничување на движење. Видео разговорите со клиенти и колеги сега се земаат здраво за готово, додека апликациите за споделување документи засновани на Cloud овозможуваат постојана соработка. Но, мислењата околу тоа како технологијата ќе продолжи да влијае на работната сила се различни кај сите.

Вештачката интелигенција и продуктивноста

Вештачката интелигенција е сè попопуларно средство за подобрување на деловната ефикасност, автоматизирање и оптимизирање на различни аспекти на работењето на една организација или компанија. Половина од испитаниците на истражувањето спроведено од Мекинзи во 2020 година изјавија дека нивната организација усвоила вештачка интелигенција во најмалку една функција. Според извештајот, сепак, работниците не го делат истото ниво на ентузијазам за технологијата како и нивните работодавци. На пример, мнозинството деловни лидери (89%) предвидуваат дека дигиталните работни простори со вештачка интелигенција - интегрирани технолошки рамки што им овозможуваат на вработените пристап до нивните апликации и податоци во реално време, на кој било уред и од која било локација - ќе ја зголемат продуктивноста на вработените во текот на следните 15 години. Само нешто повеќе од половина од вработените го делат тоа мислење. Слично на тоа, додека скоро три четвртини од деловните лидери (73%) веруваат дека ВИ ќе ги направи работниците најмалку двојно попродуктивни до 2035 година, само 39 проценти од тие работници се согласуваат со ова тврдење.

Подостапни работници

Според извештајот, повеќе од две третини од деловните лидери сметаат дека технологијата што се носи може да стане одлика на работното место до 2035 година. Изненадувачки, можеби, со оглед на тоа што апликациите за здравје и фитнес се веќе голем дел од личниот живот на многу луѓе, помалку од половина од анкетираните вработени се согласуваат со оваа визија.

На крајот на краиштата, вработените се чини дека се подготвени да прифатат технолошко надградување сè додека ги разберат придобивките и ризиците што ги претставува. Лидерите можат да помогнат во поттикнувањето на оваа подготвеност со претставување позитивна слика за иднината во која ваквите технологии ќе им користат на вработените.

Привлечна визија

Од горенаведените примери е јасно дека постои длабока поделба помеѓу тоа како деловните лидери и вработените гледаат на влијанието на технологијата врз иднината на работата. Додека лидерите предвидуваат продуктивна, комплементарна врска со технологијата, а особено со ВИ, вработените гледаат на тоа како директен конкурент. Затоа, лидерите мора да им ја доближат привлечната визија за иднината на вработените во која технологијата додава вредност на работата на вработениот, наместо да ја загрозува нивната безбедност на работното место. Тие мора да ги редизајнираат работните места околу технологијата што ја подобрува продуктивноста, а и мора да се справат со потребата за зголемување на квалитетот на работната сила.

Пандемијата со Коронавирусот ја покажа способноста за прилагодување и иновации на организациите/компаниите насекаде. Прифаќањето нови и различни технологии им овозможи на многумина да преживеат во овој временски период. Но, деловните субјекти - и технологиите што ги користат - ќе продолжат да се менуваат. Одговарајќи на загриженоста на нивните вработени сега, лидерите можат да помогнат да се осигурат дека нивната компанија е подготвена за иднината и за што и да е.