На 7 декември во Јавна Соба ќе се одржи собир на WordPress заедница во Македонија, составена од програмери, дизајнери, ентузијасти и слично кои неофицијално се собираат и разговараат за платформата.

WordPress е еден од најпознатите CMS (Content Management System) системи кои им овозможуваат на милиони корисници одржување на својата веб страна. Ваквите системи поради огромниот избор на готови веб страни (темплејти) им овозможуваат на корисниците лесно да направат и да ја одржуваат својата веб страна.

Оваа платформа моментално се користи на 26% од веб страните во светот, а сигурни сме дека таа бројка ќе продолжи да се зголемува.

WordPress има и своја заедница во Македонија, составена од програмери, дизајнери, ентузијасти и слично кои веќе 7 години по ред неофицијално се собираат и разговараат за платформата, а веќе имаат и придонесено преку преведување на истата на македонски јазик.

Наредната средба, која ќе се одржи идната недела на 7 декември во Јавна Соба од 20:00 часот, е посебна. Тоа е така поради добивањето на официјална поддршка од WordPress.org, со што оваа заедница станува дел од светската.

Сите заинтересирани ќе можат да го посетат настанот, а истиот вклучува и посебна програма која ќе го направи поинтересен и покорисен. Ќе се дискутира за:

• “WordPress themes, the right way”, Како да создадеш оригинални теми, или да модифицираш постоечки; Презентација на Митко Кочковски, Lead Developer и сопственик на Devvironment
• Help Sеction – Си заглавил со нешто? Треба помош? Те интересира нешто ново?
• Планирање на следни Meetup-и и предавања.

Повеќе информации околу настанотна Facebook Event или Meetup на следниот линк. 

Брзите кредити се насекаде – од телевизиските реклами до срцепарателна приказни низ социјалните мрежи, во кои се раскажува за банкротирани роднини и пријатели. Сепак индустрија е најбрзо растечката со број на учесници и средства покрај конкуренцијата на банките и лизинг компании. И пред Божиќ кога трошиме повеќе, ние ви нудиме некои корисни информации за оние кои би ги финансирале празниците со брз кредит.

Дали брзите кредити се “стапица за наивници”, како што сметаат нивните противници, или се финансиски инструмент кој ги задоволува специфичните потреби, како што сметаат бранителите ? Вистината е дека побарувачката за нив расте, што значи дека за некои луѓе претставуваат практична алтернатива.

Еве неколку едноставни правила кои е добро да се почитуваат:

1. Брзиот кредит се зема брзо, но и треба да се врати брзо. Овој вид финансирање е соодветна основа за да се покрие некој непредвиден трошок веднаш и парите да се вратат “до плата” или со неколку месеци. Ако износот се враќа за година и повеќе, подобро да се разгледаат условите на оние на банките или лизинг компании – може да се покажат повеќе корисни.

2. Брзиот кредит е за мала сума. Вообичаено некоклу илјади денари. Ако се бараат повеќе пари или редовни износи повторно банкарското финансирање веројатно е најсоодветно.

3. Брзите кредити не треба да се искористат за долгорочни цели или за исплата на друг долг. Според кредитните консултанти проблемите вообичаено се јавуваат кога со овој тип кредити се финансираат долгорочни цели како едукација или долготраен третман, или (најлоша варијанта) за отплата на друг кредит. Ако имате таква потреба, задолжително консултирајте се со специјалист, кој најверојатно ќе може да ви понуди и подобри опции.

4. Одлучи многу добро со каква сума може да си дозволите да ракувате. Во оптималната случај трошоците за храна и трошоците за сметки на станот плус придонесот за кредитот не треба да надминуваат 50-60% од месечниот приход. Така ќе имате доволно резерви и во присуство на други трошоци кои неизбежно се јавуваат.

5. Никогаш не потпишувајте што и да е, без да сте го прочитале и разбрале. Информирајте се максимално добро за условите за кредитот – колкаво е времетраењето, колку големи ќе се придонесите, колку често ќе треба да се плаќа. Ако не можете да користите адвокат или независен кредитен консултант, барем контактирајте со пријател или роднина кој може да ви ги разјасни нејасните фрази.

6. Не само каматната стапка е важна. Покрај каматата компаниите за брзи кредити собираат и разни други давачки – за разгледување на документи, за експресно одобрување за жиранти, за донесување на парите дома, итн Сите овие такси заедно со каматата ги формираат вкупните трошоци за кредитот. За да може да се споредуваат производи со различен рок, овие трошоци обично се сметаат на годишна основа и се нарекуваат годишен процент на трошоците (ГПР). Кој не може да ги пресмета сам најдобро да ја прашува компанијата колку е ГПР на заемот и на оваа база да ја избере најдобрата понуда.

7. Проверете ги многу добро санкциите при долгови. При доцнење или пропуштање на исплата за заем компаниите за брзи кредити наплаќаат казни – треба однапред да се знае големината . Според законот оваа големина не може да е непропорционална на големината на придонесот. На пример казна за долгови од неколку дена во износ од целата сума на кредитот нема како да е пропорционална. Слични клаузули обично задолжително паѓаат во Комисијата за заштита на потрошувачите или во судот. Затоа, колку побрзо се реагира при проблем – толку полесно и поевтино ќе се реши случајот.

8. Ако се појават проблеми – не бегајте од нив. Ако се случи да не можете да го вратите кредитот кој сте го зеле, веднаш контактирајте со компанијата која го доделила за да измисли заедниќки план за акција. Политиката на ној или “минувањето во илегала” не се решенија, а водат само до зголемување на износот на обврската, често до премногу високи големини.

9. Проверете го угледот на компанијата, од која ќе земе кредит. Во времето на Google не е никаква тешкотија да се соберат доволно информации за доверителот. Само мислењата од форумите не се доволно – тие може да се намерно манипулирани во една или друга насока. Важно е каква е сопственоста на компанијата, дали таа членува во други орагзнизации и дали е запишана во регистарот на НБРМ .

10. Никогаш не земајте заем од нелегални лихвари. Додека легалните компании за брзи кредити почитуваат одредени правила и се предмет на контрола, нивните нелегални фаци се целосно во сивиот сектор и вообичаено се однесуваат на криминални групи. Доделувањето на пари од нив често е поврзано со дополнителни гаранции, а невраќањето може да е буквално опасно за здравјето.

Претставници на компании, граѓански организации, носители и спроведувачи на политики, сите заедно седнаа на маса со цел да се договорат како да направат подобар социјален импакт во општеството, во рамки на првиот Форум на добри компании, на тема: „Трансформација на општеството преку бизнисите“ што денес се одржа во Скопје.

Форумот е во организација на Асоцијацијата за истражување, комуникации и развој, „Паблик“ и Амбасадата на Кралството Холандија во Македонија, и негова цел е да понуди информации и да даде придонес во создавањето вредности кај засегнатите страни преку прикажување добри практики од светот и преку овозможување увид во сегашната состојба на општеството.

Гостин на Форумот беше Мартен Дресен, холандски претприемач, основачот на „Good Hospitality Group“, кој го сподели искуството на создавањето на „Добар хотел“, пловечка конструкција која привлекува илјадници туристи, особено оние кои ја разбираат својата улога во создавањето можности за луѓето од маргините.

„Во социјалниот бизнис како „Добар хотел“, акцентот е ставен на луѓето и креирањето вредности, а не само на профитот. Фокусирајте се на луѓето, обидете се да ги мотивирате, да ги задржите и тоа ќе даде резултати на крајот. Најдобар случај е кога се постигнува баланс, остварување добивка и вреднување на човечкиот фактор“, порача Дресен на првиот Форум на добри компании во Скопје.

Климентина Илијевски, извршната директорка на „Паблик“, нагласи дека во светот се случува рапидно зголемување на инвестирањето во социјален импакт, зашто очекувањата од бизнисот, за придонес кон општеството никогаш не биле поголеми.

Купувачите се менуваат и тие очекуваат промена на вредностите на компаниите и усогласување на нивните мисии со брзорастечките нови потреби на општеството, на планетата, на човекот. Во суштина, културата на општествена одговорност е основната клетка со која започнува раѓањето на организмот моќен да направи позитивни промени во општеството“, вели Илијевски.

За амбасадорот на Кралството Холандија, Ваутер Пломп, Форумот е настан каде треба да се изродат нови идеи за решавање на социјалните нееднаквости и предизвици.

Холандија е долгогодишен пријател на Македонија, и во изминатите 20 години сме поддржале и работиме со многу граѓански организации и компании. Длабоко веруваме во концептот дека 1 плус 1 може да биде 3, и оттаму мотивацијата да ги доведеме овие два сектора на едно место денес. Затоа што, предизвиците на национално и на глобално ниво не можат да бидат адресирани од само еден сектор, и затоа што веруваме дека синергијата може да биде двигател на позитивни промени и напредок на општеството“, сподели Пломп.

Меѓу говорниците беше и Ренате Лакнер Гас, прв човек на одделот на корпоративна општествена одговорност на ЕВН од Виена. Таа говореше за улогата на партнерството во остварување успешна корпоративна општествена одговорност.

Кога делуваме одговорно, мораме да размислуваме на кој начин можеме да вложиме во општеството. Основниот бизнис секогаш треба да потенцира која е општествената улога на производот, но, и вредностите на компанијата“, порача таа.

По Лакнер Гас, на тема: „Луѓето се бизнисот, бизнисот се луѓето“, зборуваше Марина Анчевска, од Центарот за бизнис психологија, која нагласи дека сите ние дејствуваме системски, поврзано.

Време е да ги отстраниме стереотипните однесувања и дејствувања дека немаме влијание и ништо не зависи од нас. Време е да размислуваме колективно. Општествениот систем е изграден од индивидуалци кои што веруваат дека нивниот придонес е значаен во градењето на еден свет, во кој што сите припаѓаме. Единствено што ни укажува на тоа дека дејствуваме колективно е нашето индивидуално чувството на припадност“, потенцираше Анчевска.

Форматот на настанот беше неформален и интерактивен, го дизајнираше Холистик комуникации. 

По примерот на своите конкуренти и Google денес ја претстави својата нова програма Аpp Maker за лесно и брзо креирање на едноставни базични апликации. Овој нов сервис претставува “drag and drop” или “повлечи и постави” средина во која лесно можете да креирате и едитирате кориснички интерфејс.

Подоцна истиот ќе можете лесно да го пополните со податоци само со еден клик од вашите G Suite апликации како Google maps, Contacts, Groups и други. Исто така апликацијата содржи функции за поставување на веќе изградени шаблони, што во голема мера го олеснува процесот на изработка. Веќе креираната апликација  работи на иста инфраструктура и е менаџирана од нејзините админи на ист начин како апликациите G Suite на Google.

Потребата за креирање на ваков вид на апликации се јавува поради настанувањето на проблеми во опкружувањето на една компанија. Проблемите како следење на решенија, следење на наредби, следење на евиденција, можат да бидат решени со нивно едноставно дигитализирање и сместување во едноставна апликација.

Oд Google потецнираат дека со едноставноста на Аpp Maker секој почетник со многу малку познавања ќе биде во можност да креира апликација без да треба истата самиот да ја кодира и програмира. За корисницте кои што ги поседуваат соодветните познавања и кои сакаат да се впуштат во подлабока авантура со апликацијата ќе биде достапен и уредник за скриптирање.

Покрај претставувањето на својата нова програма, Google најави и зголемување на бројот на апликации во G Suite програмата. Нови партнери кои се приклучуваат во оваа програма се Virtru, LumApps, DocuSign, Freshdisc, Zoho Invoice, Xerox и Asana.