На вчерашната 21 седница Владата го утврди текстот на Предлог на законот за задолжување на Република Македонија со заем кај Европската банка за обнова и развој по Договорот за заем за финансирање на проектот „Воведување на брз автобуски превоз во Град Скопје“.

Проектот „Воведување на брз автобуски превоз во Град Скопје“ опфаќа воспоставување на две линии за брз автобуски превоз со коридори кои се резервирани само за автобусите, со цел подобрување на квалитетот на превозните услуги на патниците во правец „исток – центар – запад“ и „југ – центар- север“, намалување на времетраењето на превозот на патниците, подобар пристап и користење на превозните услуги и за намалување на загадувањето на воздухот, се вели во владиното соопштение.

Станува збор за проект вреден 70 милиони евра со кој во Скопје ќе се воведува брз автобуски систем или т. н. трамвај на тркала.  Предлог-законот за задолжување сега треба да помине во Собранието, по што ќе биде потпишан договорот на заем. Истовремено, се изработува идејниот проект за трасата од Ѓорче Петров до Ново Лисиче.

Пред да одите да побарате потрошувачки или кеш кредит во некоја од комерцијалните банки во нашата држава, многу е битно да ги знаете овие неколку работи, со што ќе си го намалите времето на траење на процедурата за одобрување, ќе можете полесно да ги планирате финансиите, како и недоумиците околу терминологијата со банкарските службеници.

Најбитно од се при аплицирање за кредит е да бидете во редовен работен однос, или евентуално да имате загарантирани приходи од други извори, како што се пензија, приходи од кирија, договор на дело, странска пензија, но најбитно од се е истите да бидат документирани, односно истите да се реализираат на сметка во некоја банка, за што ќе биде потребно да обезбедите извод од сметката за минимум 6-12 месеци од банката каде што истите се реализираат.

Вообичаено, банките имаат пропишано правила околу бројот на жиранти поврзано со износот на кредитот кој се бара. Најчесто банките за вработени во добри компани и вработени во јавна администрација (училишта, министерства, јавни претпријатија итн.) одобруваат кредити до 300.000 денари без жиранти, до 600.000 денари со еден жрант, над 600.000 денар двајца жиранти, но секако ја земаат во предвид кредитоспособноста и кредитната историја на клиентот, односно дали во минатото клиентот ги сервисирал своите кредитни обврски навремено и без задоцнување.

Доколку банката оцени дека има потреба да учествува жирант во кредитот, потребно ќе биде да најдете некој кој ќе може да се приклучи во кредитот како гарант, со тоа што истиот нема да биде оптеретен со сопствените приходи. Значи доколку побара жирантот кредит во некоја банка, нема да има проблем со приходите за кредитоспособност, бидејќи истите во улога на жирант не се користат за кредитот каде жирантот учествува.

Во случај банката да ви побара жирант, а не можете да го обезбедите, постои кај добар дел од банките можност за обезбедување на кредитот со солемнизиран договор (договорот за кредит се потпишува пред нотар во форма на нотарски акт, што значи дека гарантирате за кредитот со сиот свој имот сите кој ќе бидат учесници во кредитот). За да можете да одите со овој тип на кредит, потребно е да имате доволно приходи за да обезбедите кредитоспособност за кредитот, а многу е важно да имате и имот на свое име, што ќе го докажете со приложување на имотен лист/листови од имотот кој го поседувате.

Процедурата на одобрување на потрошувачките кредити не треба да трае подолго од една работна недела, доколку е доставена комплетна документација до банката.

Легенда на термини

Потврда за плата и административна забрана – документ кој се заверува на работа со основни податоци за клиентот, како и податоци за висината на примањата, задршките, работниот стаж во компанијата, како и вкупниот работен стаж

Жирант – лице кое гарантира за кредитот на кое не му се користат приходите во пресметката на кредитоспособноста

Ко-кредитобарател – лице кое учествува во кредитот подеднакво како и барателот на кредитот, на кое му зе земаат приходите при оценката на кредитоспособноста во кредитот.

Ако некој корисник на финансиска поддршка од 6.000 денари од Владата има блокирана трансакциска сметка, тогаш банката која има договор со Владата треба по негово барање да му отвори посебна трансакциска сметка поврзана со времена дебитна платежна картичка на трошок на банката на која ќе ја прими финансиската поддршка и која ќе биде изземена од извршување по било која основа. Ова е дел од Законот за финансиска поддршка на повеќе категории граѓани кој веќе стигна во собрансика процедура. Порталот Фактор вчера објави први детали од Законот, а според него помош добиваат граѓаните со низок доход, пензионери до 15.000 пензија корисници на право на социјална сигурност на стари лица, млади лица, самохрани родители, деца без родители и родителска грижа, уметници и други лица кои вршат дејност во културата, филмски работници и естрадни уметници. 

Конечната листа кој ќе добие помош сепак ќе ја изготвуваат неколку институции, а ќе биде објавена на kupuvamdomasno.gov.mk осум дена откако Законот ќе биде изгласан и ќе биде објавен во Службен весник. Како што објавивме парите ќе се даваат на транскациска сметка а ќ еможат да се трошат преку употреба на дебитна картичка и нема да можат да се подигнуваат како готовина. Сите 6.000 денари ќе треба да се потрошат до 25 декември, пишува Фактор.мк

Овој пат Владата прво ќе избере во кои дуќани ќе можат да се трошат парите и тие ќе бидат јавно објавени на интенет страницата kupuvamdomasno.gov.mk. Сите фирми кои ќе бидат избрани ако се продавници за трговија на мало должни се да обезбедат посебно обележани рафтови и гондоли со ознаката „КУПУВАМ ДОМАШНО“ на кои ќе бидат изложени македонски производи за продажба на лицата - корисници на финансиската поддршка од овој закон. Доколку во објектите за трговија на мало не постои можност за издвојување на македонските производи на посебно обележани рафтови или ако со издвојувањето се нарушува нивниот квалитет или рокот на употреба македонските производи должни се да ги означат со видна етикета на која исто така ќе пишува „КУПУВАМ ДОМАШНО“.

Во заонот стои и дека правните лица во кои ќе се трошат овие пари мора да имаат каса на која се издаваат фискални сметка која задолжително содржи линија за вкупен промет остварен од македонски производи. Со парите ќе може да се купува и он лајн. Инаку како што веќе објавивме додека е во собраниска процедура законот, парите нема да легнат на сметките.

Кој добива помош? Според законот граѓани со низок доход се лица кои бараат работа (пасивен барател на работа) во Агенцијата за вработување заклучно со 27 септември годинава и кои од јануари до август годинава оствариле доход во нето износ не поголем од 120.000 денари. За да добијат помош пензионерите треба да не имаат од јануари до август доход поголем од 120.000 денари, односно месечен износ на доход по основ на пензија не поголем од 15.000 денари. Помош ќе користат и корисници на право на социјална сигурност на стари лица кои имаат 65 годишна возраст, а кои користат право на социјална сигурност и се евидентирани во центрите за социјална работа.

„Млади лица“ се лица со наполнети 16 години и не постари од 29 години а кои се активни учесници во формалното средно образование, во високото образование, а не биле опфатени, односно биле испуштени во претходниот пакет на економски мерки. 

Пари добиваат и самохраните родители односно родител кој сам ги врши родителските права и должности за детето, поради тоа што другиот родител е непознат, починат, исчезнат или од оправдани причини привремено или трајно не ги извршува родителските права, но треба да е евидентиран во Министерството за труд и социјална политика. И тие не треба да имаат доход поголем од 120.000 денари до август., Истото важи и за уметниците, естрадните уметници и филмските работници. 

По 6.000 денари ќе добијат и дeца без родители и родителска грижа однонсо деца чии родители не се живи, кои се исчезнати, непознати или се со непознато живеалиште повеќе од една година и дете чии родители без оглед на причините привремено или трајно не ги извршуваат своите родителски права или должности ставени под старателство од надлежен центар за социјална работа.

Цирих и Париз ги потиснаа Сингапур и Осака од водечките места на новата ранг-листа на најскапи градови во светот, приклучувајќи му се на Хонг Конг со којшто го делат првото место.

Неодамнешното истражување на британски „Економист” за трошоците за живот, покажува дека корона-пандемијата влијаела на цените на стоките и услугите во повеќе од 130 градови до септември 2020 година. Според извештајот, скокот на Цирих и Париз на прво место се должи на зајакнувањето на швајцарскиот франк и еврото.

– Пандемијата на Ковид-19 предизвика слабеење на американскиот долар, додека западноевропските и азиските валути зајакнаа во однос на тоа, што резултираше со зголемување на цените на стоките и услугите, вели Упасана Дут, раководителка на истражувањето.

Трошоците за живот во Њујорк се користат како основен параметар за пресметување на овој индекс.

„Во Сингапур, којшто сега е на четврто место, забележан е пад на цените поради напуштањето на странските работници. Самото население на овој град-држава се намали за првпат по 2003 година, па и побарувачката падна и се појави дефлација. Сличен тренд е забележан и во Осака (Јапонија), каде потрошувачките цени стагнираат, а јапонската Влада субвенционира цени, на пр. во јавниот превоз”, се вели во извештајот.

Осака го дели петтото место со Тел Авив. Следуваат Женева и Њујорк, па Копенхаген и Лос Анџелес ги заокружуваат првите десет во светот, според трошоците за живот.

Цените на повеќето производи и услуги останаа главно непроменети оваа година, освен некои категории. Цените на основните намирници, како што се храната и водата, беа стабилни, но слабата побарувачка доведе до голем пад на цените на облеката.

Според Дут, ваквите трендови може да продолжат и во 2021 година, бидејќи потрошувачката е сè уште ограничена, што претставува притисок врз цените.