Сметките за струја од 1ви јануари би се зголемиле за 38%, според првичните барања на енергетските компании, а не десет проценти како што најавуваа од владата.

ЕВН – Електродистрибуција веќе доставила барање за 100% зголемување поради големите загуби во мрежа и високите берзански цени на струјата, што според претседателот на РКЕ Марко Бислимовски што би значело 34% зголемување на крајната сметка за струја. Се очекува да пристигне и барањето од МЕПСО, кои веќе најавија дека нивните пресметки покажуваат 60% поголеми трошоци, што би значело дополнителни зголемување од 4% на крајната сметка. Освен МЕПСО, се очкеува и барањето на ЕВН Хоум.

Побарано е 100% пред се зголемени трошоци за загуби./Вкупно се 140 милиони евра заради надворешни влијанија, нема нови вработувања таму. И доколку се прифати 33 – 34% на крајна цена. / Доколку е така крајна цена дополнително 4%, значи без ЕВН 37-38% зголемување. изјави Марко Бислимовски, претседател на РКЕ.

РКЕ во текот на наредната недела ќе одлучува по барањата на енергетските компании, што и колку ќе прифати. Останува отворено прашањето и дали по Нова Година се уште ќе има дневна евтина тарифа. Бислимовски објаснува дека тоа ќе зависи од повеќе фактори и допрва ќе се анализира дали ќе се укине или не, со цел да нема дополнителен ценовен шок за домаќинствата.

Сепак, владата веќе се подготвува за поскапувањето. Планираат да ги помагаат најсиромашните 45.000 семејства со по 1.000 денари месечно.

Македонија западна во енергетска криза откако се намали домашното прозиводство на едвај 50% од потребите, а остатокот се надополнува со купување од светските берзи, на кои веќе еден мегаватчас се продава над 350 евра.Во очекување на набавката на јаглед за РЕК Битола, за спас од енергетската криза државата во функција од денеска пробно го активира и ТЕЦ Неготино, кој 12 години беше ладната резерва во системот.

Во Буџетот за идната година не се предвидени пари за регрес за годишен одмор за вработените во јаниот сектор.

Вака министерот за финансии Фатмир Бесими им стави крај на надежите на вработените во јавниот сектор, дека идната година ќе добијат К15. 

За 2021 година има пари што се планирани со ребаланс на буџетот, а за 2022 година нема пари за К-15 за администрацијата, рече Бесими.

Парите што се наменети со ребалансот, всушност се за еден дел од администрацијата, односно за околу 27.000 работници, членови на Синдикатот на работници од управата, правосудните органи и здруженија на граѓани, кои со грански договор успеаја да го извојуваат ова право.

На протестот во неделата, едно од барањата на Сојузот на синдикати беше и К-15 за сите вработени, и во приватниот и во јавниот сектор, за да нема дискриминација и поделба на работниците.

Во текот на протестот, претставниците на синдикатот остварија средба со претставници на Владата по која Владата соопшти: Оваа Влада го слуша и разбира гласот на работникот, со Синдикатите се договоривме да ги најдеме решенијата за повисока минимална плата и за унапредување на работничките статус и права“.

Според соопштението, Владата и синдикатите се договориле работната група да ги прибере сите потребни податоци со цел детална разработка на можните оперативни решенија за зацртаните социјални цели, најдоцна до 20 јануари 2022 година.

Мерцедес е при крај со својата развојна програма за електричниот теренец EQE. Тој се претпоставува да биде пуштен во продажба во 2023 година, позициониран под претстојниот SUV EQS во новата линија на EV на германската фирма со дизајн од постојните електрични понуди на брендот, EQC SUV и салонот EQS.
 

Бидејќи има добра камуфлажа на прототиповите, немаме големи информации за стилот на теренецот на Mercedes EQE, но можеме да издвоиме неколку карактеристики како што се мазната предница, тенки LED предни светла, кои се заеднички за другите возила на марката со ознака EQ.

Решетката ќе содржи радари и сензори за технологиите за помош на возачот на EQE SUV. Ладењето ќе биде обезбедено со плиток отвор под главната решетка, за кој очекуваме да има некаква форма на активна лопатка што може да го затвори отворот за подобра аеродинамика.

Исто така ќе има сет од алуминиумски тркала со мала отпорност, што би требало да помогне да се извлечат уште неколку километри од батерискиот пакет на EV. Стрмно набиеното ветробранско стакло и ултра мазната површина исто така треба да имаат корист од опсегот.

Гледајќи кон иднината, Mercedes ќе го лансира овој врвен теренец EQS во 2022 година, кој на крајот ќе создаде своја варијанта на Maybach. Г-класата ќе биде целосно електрична во 2024 година со потврден модел наречен EQG, а во 2025 година, фирмата ќе ја лансира својата следна генерација на платформата MB.AE додека се движи кон да стане чисто електричен производител.
 

Инстаграм се искачи на 2 милијарди месечни активни корисници. Оваа вест ја објавиа анонимен вработен за CNBC. Компанијата во сопственост на Мета не - и веројатно нема - официјално да ги открие овие бројки, бидејќи е на удар на критики поради наводното лошо влијание врз децата и тинејџерите.

Последен пат кога Instagram јавно ја објави големината на својата корисничка база беше во 2018 година, кога платформата откри дека има 1 милијарда корисници. Беа потребни три години за Инстаграм да ја достигне границата од 2 милијарди.

Вработените кои ја известиле CNBC велат дека дознале за бројот за време на внатрешни разговори - еден од вработените, наводно, изјавил за CNBC дека Instagram го надминал прагот околу една недела пред одлуката на Facebook да го промени своето име во Meta.

Инстаграм очајнички се обидува да остане пред TikTok, брзорастечката видео-апликација за кратки видеа која штотуку надмина 1 милијарда корисници во септември - само три години откако апликацијата се спои со Musical.ly и стана широко достапна. Иако Инстаграм сè уште ја надминува платформата, засега не е јасно колку долго ќе трае тоа. Инстаграм нуди функција по функција што изгледа како пропаѓање на TikTok, а неговиот новообјавен Reels Visual Reply е само најновиот пример.