Доколку сте претприемачи, не постои момент во вашата кариера каде не сте помислиле „Посакувам да можам да се клонирам себеси во пронаоѓањето на вработени за мојата компанија. Никој не работи доволно напорно како јас. Никој не е паметен како јас. На никој не му верувам доволно со донесување одлуки и менаџирање тимови како на себеси.“

Звучи познато? Но, дали „клонирањето“ на себеси е вистинското решение за вашите цели на вработување? Постојат јасни предности и недостатоци на оваа стратегија, па затоа потребно е да откриете даи клонирањето на себеси ќе ви помогне или одмогне на вашиот бизнис, засновано на вашите специфични бизнис потреби. 

• Што всушност претставува „клонирање“ на себеси?

Накратко кажано - пронаоѓање на таленти кои се најблиску до вашиот карактер, верувања и принципи кои ќе ги подобрите уште повеќе да се слични на Вас, за да можете да ги победите конкурентите. 

• Како „клонирањето“ се манифестира во вашиот бизнис? 

Овие луѓе вообичаено се идентификувани до Вас лично или преку вашите тимови за човечки ресурси, за време на регрутерскиот процес. Прво, преку описот на работни места, со секоја точка вам ви изгледа како да се опишувате себеси. Второ, за време на интервјуто, преку вашиот пристап на „Дали оваа личност е иста како мене?“ И трето, преку процесот на вработување, каде го/ја тренирате вашиот нов вработен да ја работи работата на ист начин како и вие. 

• Предностите на „клонирањето“ на себеси 

Потрагата по лице со слични карактеристики како и Вас, поседувањето на исти вештини може да биде добра причина за овој процес. Лице кое е оптимист кога се работи за вашиот бизнис и може да се носи со визијата на вашиот тим со иста љубов како што и Вие би се носеле. 

• Недостатоците на овој процес 

Еднаков број на причини постојат зошто овој процес на „клонирање“ може да има негативни последици. Можеби не ви е потребен оптимист кој ќе ви го кажува тоа што сакате да го слушнете. Можеби ви е потребно реалист, кој ќе воведе точка на внимание кога се работи за вашите инвестициски одлуки. Или зошто да вработувате некој со исто искуство како Вашето, бидејќи некој друг може да би помогне подобро да го идентификувате процесот или да избегнете ситуации кои тие ќе ги препознаат. 

• Кој е вистинскиот пат за вашиот бизнис? 

Одлуката за тоа кој пат е вистинскиот за вас се заснова на што е она што на вашиот бизнис му е потребно за да биде успешен и тоа треба да надвладее се друго. 

• Да претпоставиме дека вработувате лице одговорно за финансии и еден кандидат кој има одлично CV и докажани успеси за позицијата, но можеби карактерот не е сличен или не се вклопува со вашиот. Но, друг кандидат има океј CV, но одличен карактер. На крајот на денот се сведува на ова - на кого му верувате повеќе да ги има рацете на воланот? Никогаш не можете да добиете се во еден вработен и во најчест случај, ќе добиете само 80% од она што го барате во еден кандидат. Треба да бидете внимателни и да приоритетизирате што од 20% кои недостигаат ќе направи најмала штета. 

  

Другата причина се сведува на што вие Вам лично потребно. Ако вие ги завршувате клучните задачи, дали сте сигурни дека ви е потребно повеќе од „Вас“ во канцеларијата? Што кажуваат вашите вработени за Вас? Дали креирате повеќе хаос отколку хармонија? Дали ја водите компанијата во различни насоки постојано, без јасен фокус? 

Можеби она што ви треба е токму спротивно од себеси. Можеби ви е потребен некој сосема различен од Вас, да ве одржува организирани, плански и секогаш подготвени. На крајот, се сведува на што Вие гледате како свои силни и слаби страни и имате желба да ги пополните слабостите. Или уште подобро, што вашиот тим мисли за вас, кои се вашите недостатоци и предности. Поставете ги тешките прашања, добијте искрен фидбек и започнете да работите или на себеси или со некој кој може само да ја унапреди компанијата. 

Како што компаниите се соочуваат со проблемот да го задржат талентот, персонализирањето на бенефитите може да биде клучната разлика. Одделувањето од „една големина одговара на сите“ пристапот вклучува смислување бенефити за индивидуалните потреби на вработените. Кога се фокусирате на ова, како може да се осигурате дека персонализираните програми ќе имаат поголемо влијание?

Да, за компаниите е особено важно да се борат за талентите пред своите конкурентни, но поврзувањето на тие вработени е многу покомплициран процес. Иновативните компаниите го прифаќаат потрошувачкиот центриран пристап во дизајнирањето на бенефити, каде потрошувачот е заменет со вработениот. 

Како да го подобрите односот со вработените преку перзонализирањето? 

1. Насочете се кон здравјето на вработените 

Разгледајте некои програми засновани на специфични, високо-ризични групи и нивните уникатни здравствени потреби. Пример, членствата во фитнес клубови подобрете ги со нудење на услугите на личен тренер, кој ќе работи со вашите луѓе за подобри резултати. Или индивидуални програми кои може да помогнат на вработените со друга спецификација. Преку изборот на специфичен сегмент на фокусирање, може да ги концентрирате вашите ресурси и да креирате програма која дава реални резултати за вработените на кои најмногу им се потребни. 

2. Користете аналитики за да откриете што е тоа што вработените го сакаат

Иако истражувањата на вработените се традиционален начин на добивање фидбек на различни програми, аналитиките и податоците може да бидат искористени и за да го разберете однесувањето и потребите на вработените. Како што користете методи за предвидување на однесувањето на потрошувачите, истиот принцип може да важи и за разбирање на однесувањето на вработените. Аналитиките може да помогнат да се идентификуваат нееднаквости на нивоа на бенефитите, прегледување и евалуирање на програмите и поточни предвидувања за иднината. 

3. Комуницирајте на ист начин како и вашите вработени

Забележете дека различните генерации имаат различни приоритети и омилени начини на комуницирање. Преку персонализирање на вашиот пристап на комуникација, вие помагате да се креира автентичен однос кој подоцна се претвора во акција. Персонализираните бенефити не се повеќе корисни добра за привлекување таленти - тие се повеќе „лебот и путерот“ на програмите за бенефиции. Денешните вработени очекуваат иновативни понуди кои се креирани според нивните потреби и повеќе од само основното. Во исто време, компаниите откриваат дека преку обрнувањето внимание на искуството на вработените, тие ја зголемуваат ефективноста на нивната програма и така ги намалуваат трошоците на долг рок. 

Не постои организација која не се грижи за перформансот на вработените. Ако менаџерите или сопствениците не се грижат за перформансот на своите вработени, тоа е индикатор за проблем од поголеми размери. Секој одговорен се грижи за работата која ја вршат вработените и особено се насочени кон високиот перформанс - и како индивидуи и во тимови. 

Што е потребно за да идентификувате вработени кои имаат висок перформанс? И од кога ќе ги идентификувате, како може менаџерите да продолжат да ги развиваат нивните вештини и способности? Самите вработени имаат навики кои ги одделуваат од другите, а тоа се следните: 

- Тие имаат нивен личен систем - Без разлика дали се работи за утринска рутина или било кој друг вид на повторувана акција, овој вид на вработени имаат нивен личен начин за постојаната организираност. Им помага да останат фокусирани на тоа што е важно, за да може да се концентрираат на перформансот. 

- Тие ги слушаат другите - за фидбек, за предлози и за докажани стратегии - Вработените кои покажуваат висок перформанс впиваат информации. Тоа може да биде за нивниот перформанс или говорник за време на конференција со совет за ресурсите. А можно е и да биде соработник кој објаснува стратегија која би можела да функционира за нив. 

- Tие се држат до својата одговорност - Секогаш фокусирани на квалитет, овие вработени го оддржуваат својот збор. Ако од било која причина, тие не успеат да ја извршат својата задача, тогаш преговараат за рокот. Луѓето кои работат со високи-перформери знаат точно што да очекуваат. 

- Тие се фокусирани на позитивното - Ова не значи дека се што се случува околу нив е секогаш позитивно. Но при даден избор од прославување и цинизам, тие пронаоѓаат начин да гледаат на светлата страна. 

- Тие прифаќаат предизвици - Вработените кои покажуваат висок перформанс се насочени кон превземање на напорни ризици. Тие се подготвени за решавање проблеми. Многу пати, тие се вработените кои ви го посочуваат и проблемот и ви го нудат решението. 

- Тие учат од нивните грешки - Високите перформери не секогаш ги исполнуваат своите цели. Но, тие ги користат овие моменти за рефлектирање и учење од ситуацијата. Тие не го гледаат моментот како неуспех, туку како можност. 

- Тие знаат како да го менаџираат своето време - Овие вработени се во можност да работат одлично бидејќи го разбираат својот стил на работење и како да завршат една работа. Ова вклучува и кажување „не“ одвреме навреме за да не разочараат. Или преговарање на обврски и поставување јасни очекувања. 

- Тие се посветени на нивниот личен развој - Новите вештини не им се одбивни на високите перформери - тие учат нешто ново секој ден. Не е потребно да биде нешто преголемо, тие го разбираат концептот на учењето се одвива во мали интервали. 

- Тие се особено многу поврзани за организацијата -  Неколку од овие навики укажуваат на индивидуа која е среќна со работата која ја работи и тимот околу него/неа. Тие имаат висок перформанс бидејќи компанијата инвестира во нивниот успех и создаваат работни врски базирани на доверба и почит. 

Граѓаните годинава последен пат ќе поднесуваат годишна даночна пријава во Управата за јавни приходи за остварени дополнителни приходи во текот на претходната година. Според измените на Законот за персонален данок на доход, кои стапија на сила од 1 јануари оваа година, од следната година, ќе добиваат пополнета годишна даночна пријава што ќе ја издава Управата за јавни приходи, а даночниот обврзник само ќе ја потврдува.

За приходите остварени во 2017 година даночните обврзници може да поднесат годишна даночна пријава до 15 март оваа година. ГДП може да се достави на шалтерите на УЈП, електронски или по пошта. Граѓаните имаат обврска да пријават доколку оствариле приходи од издавање под закуп на станбен објект или хонорар по основ на авторски договор, за остварена добивка од наградна игра над 5.000 денари, дивиденди…. Даночниот обврзник не поднесува годишна даночна пријава доколку остварува приход само од плата, пензија, земјоделска дејност и самостојна дејност.

Во последните години годишна даночна пријава поднесуваат над 400.000 граѓани. Во 2017 година, за 2016 година пријавиле дополнителни приходи 439.689 граѓани кои доброволно пријавиле 173.592.004.847 годишни бруто приходи и 10.133.228.081 персонален данок на доход.

Приходите кои граѓаните ги остваруваат во земјата и во странство се оданочуваат со персонален данок на доход по стапка од 10 проценти. За следната година се најавени промени во персоналниот данок и воведување прогресивна стапка на оданочување, која ќе значи побогатите да плаќаат повеќе.

Се проценува дека планираните промени ќе ја зголемат стапката на наплата на персоналниот данок за 40 проценти.

Согласно законот доколку даночниот обврзник не поднесе даночна пријава до 15 март 2018 година ќе му биде изречена глоба за сторен прекршок. За ненавремено поднесување, односно неподнесување на пријава и за нецелосно пријавени приходи глобата се движи од 100 до 200 евра во денарска противвредност.

На даночните обврзници кои треба да пријават дополнителни приходи до 15 март годинава, исплатувачот на приходите треба до 25 јануари да им издаде пресметка.

Согласно измените на Законот за персонален данок на доход од јануари годинава се воведува нова процедура за пресметување и плаќање на обврските за персонален данок на доход, односно пресметувањето на данокот ќе се врши со поднесување на Електронска пресметка за приход и данок (е-ППД) до Управата за јавни приходи, преку новиот систем е-персонален данок.

Обврска да поднесат електронска пресметка за приход и данок имаат исплатувачи на приходи правни лица, кога исплаќаат приходи по сите основи на физички лица резиденти на Република Македонија и на нерезиденти, освен за исплата на плата на вработени лица, физички лица резиденти кои остваруваат приходи од други физички лица и приходи од странство, освен за приходи од вршење на самостојна дејност, како и физички лица нерезиденти кои остваруваат приходи од други физички лица во Македонија.

Исплатувачите на приходи од 1 јануари 2018 година ќе немаат обврска да му издадат на секој обврзник збирен податок за вкупно платената аконтација, како и да поднесуваат годишни или месечни извештаи ПДД-АДП/ПИ, ПДД-АДП/КД и ПДД-АДП/ДП.